ياصباح الخير ع الجميع وع مدونتي مخصوص
النهارده قررت ارجع اكتب تاني
اتنفس في الكتابه واعبر لو كنت في يوم من الايام كتمت حاجه في قلبي
مع اني اتعودت ماكتم حاجه جوايا تدايقني او احساس حسيت بيه ناحيته بالذات وماقولش له عليها
بس بقالي فتره طويله ماقولت له الحاجات دي فده محسسني بأن الكلام بينا يقل لان فيه حاجه مستخبيه ولازم تطلع
ظروف النت الوحشه مخليه الواحد يخاف يقول كلمه ومايفسرها بوضوح ويفصل النت تقلب الحكايه زعل
انا جوايا كثير ونفسي اقولوه كله مش عايزه اخلي حاجه جوايا
لازم ارتب كل اللي عايزه اقولوه عشان اقوله كله مش عايزه اسكت واقول كل حاجه
قولت لما اقابله احكي له كل حاجه لكن لا لازم احكي دلوقتي ولما نتقابل نحكي تاني لامشكله
فيه حاجه زي الحاجز مانعه الكلام بينا ماتعودنا نعمل الحاجز ده ويمنعنا من الكلام لا اكسر الحاجز ده
حأتكلم حأتكلم حأتكلم اهو قولتها 3 مرات حأقول يعني حأقول
يارب ساعدني :) اقول كل حاجه كل حاجه في قلبي
بس انا اللي مخوفني ردت فعله ناحية كلامي بخاف لما بتكلم واطلق كل حواسي ومشاعري وحتي دموعي القي ردت الفعل غير متوقعه
هو ماكنش كده كان كل ماحكي او اشكلي القي الرد اللي بيحسسني اني ملكت الدنيا
انا اقول نص الكلام ونشوف ردت الفعل لو مانفع مش اكمل اسيبها لحد مانتقابل ساعتها تبان حقيقه المشاعر
انا عارفه مشاعره لكن ليه مش بتبان ليه انا محتاجها تبان عايزه الحب زي الاول
